Gia Volski: "Gürcüstan Ermənistan-Azərbaycan münasibətlərinin nizamlanmasında maraqlı ölkədir"

"Gürcüstan Ermənistanla Azərbaycan arasında münasibətlərin nizamlanmasında maraqlı olan neytral ölkə kimi regionda təhlükəsizliyi təmin etmək potensialına malikdir".

Oxu.Az "Sputnik"ə istinadən xəbər verir ki, bunu Gürcüstan parlamentinin vitse-spikeri Gia Volski Prezident Mixail Kavelaşvilinin Ermənistana səfərini şərh edərkən deyib.

"Hesab edirəm ki, hər iki ölkə belə münasibət bildirir. Onların xarici işlər nazirliklərinin rəhbərləri bu yaxınlarda Tbilisiyə səfər zamanı da eyni münasibəti ifadə ediblər. Gürcüstan prezidentinin ilk səfərlərini Azərbaycan və Ermənistana etməsi bizim tərəfimizdən belə münasibətin simvoludur. Qonşularla, xüsusən də strateji tərəfdaşlarla münasibətlərin inkişafı bizim üçün xüsusi maraq kəsb edən sahədir", - o deyib.