Kəngərli sakini: "Valideynlərimlə birgə çıxdığım Ağdama anam və oğlumla geri qayıdıram"

"Bu gün çox qürurluyam. Bu qürur hissini bizə yaşatdığı üçün Prezident, Ali Baş Komandan İlham Əliyevə təşəkkür edirəm. Allah şəhidlərimizə rəhmət eləsin, qazilərimizə can sağlığı versin!"

Bunu Oxu.Az-a açıqlamasında bu gün Ağdamın Kəngərli kəndinə geri qayıdan Könül Ağayeva deyib.

O bildirib ki, Ağdamdan məcburi köçkün düşəndə 9-10 yaşlarında olub:

"Valideynlərimlə birgə çıxdığım Ağdama anam və oğlumla geri qayıdıram. Atam rəhmətə gedib. Amma o da Ağdama köçməyi çox istəyirdi".

Qeyd edək ki, bu gün daha 49 ailə (232 nəfər) Ağdamın Kəngərli kəndinə köçürülür.

Mərahim Nəsib