Ən son xəbərləri bizim Telegram kanalımızda izləyin
Azərbaycana gətirilən 31 ton kişmişdə kif maya göbələyi aşkarlanıb
Özbəkistandan Azərbaycana idxal edilən 31 ton quru üzümün ekspertizaya cəlb edilməsi həyata keçirilib. Məhsuldan nümunələr götürülərək Azərbaycan Qida Təhlükəsizliyi İnstitutunun müvafiq laboratoriyasına göndərilib.
Bu barədə Oxu.Az-a Azərbaycan Qida Təhlükəsizliyi Agentliyindən (AQTA) məlumat verilib.
Laborator müayinələr nəticəsində məhsuldan götürülmüş nümunələrdə kif maya göbələyi aşkar edilib. AQTA mütəxəssisləri tərəfindən sahibkara kif maya göbələyinə yoluxan məhsulun termiki emaldan keçirilməsi tövsiyə olunub.
Adıçəkilən məhsulun bir hissəsi termiki emaldan keçirilib və ondan təkrar nümunə götürülüb.
Təkrar müayinələr nəticəsində termiki emaldan sonra məhsulda kif maya göbələyi aşkarlanmayıb və quru üzümün normativ texniki sənədlərin tələblərinə uyğun olduğu müəyyən edilib.
Qeyd edək ki, kif maya göbələyi bakteriyalar kimi əlverişli şəraitlərdə sürətlə inkişaf edərək insan sağlamlığı üçün təhlükə yaradır.
Oxu.Az yeniləndi!
"AQTA" teqi üzrə xəbərlər
- Azərbaycana beş xarici şirkətin quş əti məhsullarının gətirilməsinə məhdudiyyət QOYULDU
- Marketdə istehlaka yararsız qida məhsulları aşkarlanıb
- AQTA Bakıda restoranın fəaliyyətini məhdudlaşdırdı
- Ukraynadan gətirilərək ölkəmizdə 11 manata satılan ətlərin mənşəyi nədir?
- AQTA: "Azərbaycanda quş qripi xəstəliyinə rast gəlinməyib"
Ən çox oxunanlar
Rəylər