“Neftçi”nin baş məşqçisi Roberto Bordin UEFA Avropa Liqasının ilk təsnifat mərhələsinin püşkünü dəyərləndirib.
Oxu.Az xəbər verir ki, italyan çalışdırıcı Macarıstanın “Uypeşt” klubunu çətin rəqib adlandırıb:
“Macarıstanın “Uypeşt” komandası kifayət qədər güclü kollektivdir, xüsusi ilə fiziki baxımdan. Amma bizim qarşımızda böyük məqsədlər var. Çalışacağıq ki, oyuna qədər komandanı fiziki cəhətdən maksimal vəziyyətə gətirib, bu dueldən qalib çıxaq”.
Qeyd edək ki, “Neftçi” ilk oyununu Bakıda iyulun 12-də keçirəcək. İyulun 19-dakı cavab qarşılaşması isə Budapeştin 14817 tamaşaçı tutumuna malik Susa Ferents adına stadionda baş tutacaq.
S.M.
www.oxu.az
