Həbib Nurməhəmmədov və Konor Makqreqor arasında qalmaqallı döyüş hələ çox müzakirə olunacaq. Bu döyüş UFC tarixinə qızıl hərflərlə yazıldı.
Lakin tamaşaçılar üçün ən çox yadda qalan iki barışmaz rəqibinin üz-üzə gəlməsi yox, döyüşdən sonra baş verənlər oldu.
Oxu.Az xəbər verir ki, hər şeyin çox qarışıq olması səbəbindən Sports.ru saytı irlandiyalının məğlubiyyətindən sonra oktaqonda baş verənləri araşdırmağı qərara alıb.
Həbib Nurməhəmmədov Konorun sparrinq tərəfdaşı Dilon Denisin üstünə cumdu. Bu zaman oktaqona Həbibin qohumu Əbubəkr daxil oldu.
Mühafizədən yan keçən Əbubəkr Konora tərəf qaçır, onun əlində papaq var.
Konorla üz-üzə gələndə Əbubəkr irlandiyalıdan bir zərbə alır və sonuncunu papaqla vurmağa başlayır. Mühafizəçilər dağıstanlını oktaqonun kənarına sıxıb saxlayırlar.
Bundan sonra Həbibin sparrinq tərəfdaşı Zübeyrə Tuxuqov və güləş üzrə məşqçisi Əsədulla Əmirağayev məsələyə qarışırlar.
Tuxuqov mühafizəçilərin arasında keçərək Konoru vurmağa cəhd edir. İrlandiyalıya bu zərbə çox təsir etmir və o, dağıstanlıya cavab olaraq bir neçə zərbə endirir.
Daha sonra isə oktaqona Əmirağayev tullanır.
Arxadan irlandiyalıya yaxınlaşan Əmirağayev sonuncunun hazırlıqsız olmasından istifadə edərək, onu başından yumruqla vurdu.
Konor dağıstanlını görmür və çevrilərək müdafiə olunmaq üçün blok qoyur. Mühafizəçilər tərəfləri ayırırlar.
Davadan dərhal sonra Zübeyrə Tuxuqov “Instagram” səhifəsində video paylaşaraq, Konora şillə vurduğunu bildirib.
Digər videoda isə Əbubəkr gözünün altındakı göyərməni göstərərək, irlandiyalı ilə davasından danışır.
“Bu irland ləçəri məni vurdu. Lakin mən də borclu qalmadım. Bam, bum! Əlimdə olan papaq mənə mane oldu”, - deyə o bildirib.
Makqreqora hücum edən üç qafqazlı kimdir? - FOTO/VİDEO
