"Zəfər parkı" teqi üzrə xəbərlər
2020-ci il dekabrın 3-də Prezident İlham Əliyevin imzaladığı Sərəncamla, Azərbaycan xalqının Vətən müharibəsində misilsiz qəhrəmanlığını və qazandığı tarixi Qələbəni ictimaiyyətə nümayiş etdirmək, şəhidlərimizin işıqlı xatirəsini əbədiləşdirmək məqsədilə Bakıda Vətən Müharibəsi Memorial Kompleksi və Zəfər Muzeyinin yaradılması tapşırılmışdı. Sərəncamdan dərhal sonra Vətən Müharibəsi Memorial Kompleksi və Zəfər Muzeyinin layihəsi hazırlanmış, tikinti işlərinə başlanılmışdı.
PASHA Holdingin maliyyə dəstəyi ilə inşa edilmiş Zəfər Parkı və Zəfər Muzeyi Bakı Şəhər İcra Hakimiyyətinə təhvil verilib.
Zəfər Parkının ümumi ərazisi 9.16 hektardır, bunun 4.24 hektarı yaşıllıq zonasıdır. Layihə çərçivəsində 44 metrlik Zəfər Tağı, 9.9 metrlik memorial abidə, həmçinin 8.8 metrlik, şəhidlərin adları həkk olunmuş Xatirə divarı ucaldılıb. Parkın tikintisinə 114.5 milyon manat xərclənib.
Zəfər Muzeyi, tikintisi 2024-cü ildə tamamlanan Zəfər Parkının ərazisində yerləşir. Hər iki layihə Azərbaycan xalqının 2020-ci ildə qazandığı tarixi Qələbənin və Vətən uğrunda canlarını fəda etmiş şəhidlərimizin işıqlı xatirəsinin əbədiləşdirilməsinə yönəlib.
Zəfər Parkının ümumi ərazisi 9.16 hektardır, bunun 4.24 hektarı yaşıllıq zonasıdır. Layihə çərçivəsində 44 metrlik Zəfər Tağı, 9.9 metrlik memorial abidə, həmçinin 8.8 metrlik, şəhidlərin adları həkk olunmuş Xatirə divarı ucaldılıb. Parkın tikintisinə 114.5 milyon manat xərclənib.
Ümumi sahəsi 4278 kv.m olan Zəfər Muzeyi binasında səkkiz sərgi salonu, 90.7 kv.m sahəsi olan auditoriya və ziyarətçilər üçün nəzərdə tutulmuş digər zonalar var. Muzeyin inşasına 59.5 milyon manat yönəldilib.
