"İlham Əliyevin Qazaxıstan səfəri" teqi üzrə xəbərlər
Mayın 15-də Azərbaycan Respublikasının Prezidenti İlham Əliyev Qazaxıstan Respublikasının Prezidenti Kasım-Jomart Tokayevin dəvəti ilə Mərkəzi Asiyanın ən qədim tarixi mərkəzlərindən biri olan Türküstan şəhərində keçirilən Türk Dövlətləri Təşkilatının (TDT) dövlət başçılarının qeyri-rəsmi Sammitində iştirak etmək üçün bu ölkəyə işgüzar səfərə gəlib.
Həzrət Sultan Beynəlxalq Hava Limanında Azərbaycan lideri xüsusi ehtiramla qarşılanıb: onun şərəfinə fəxri qarovul dəstəsi düzülüb. İlham Əliyevi Qazaxıstan torpağında salamlayan rəsmi şəxslər arasında Qazaxıstanın dövlət müşaviri Yerlan Karin, Türküstan vilayətinin akimi Nuralxan Koşarov və ev sahibinin digər yüksək rütbəli nümayəndələri olub.
Zəngin səfər proqramı çərçivəsində Prezident İlham Əliyev TDT-nin qeyri-rəsmi Sammitində iştirak etməklə yanaşı, təşkilata üzv digər dövlət başçıları ilə birlikdə regionun mühüm mədəni irs obyektləri ilə də tanış olub.
