Müşavir: "Çində Azərbaycanın turizm ofisini açmaq niyyətindədiyik"

"Çində Azərbaycanın turizm ofisini açmaq niyyətindəyik".

Oxu.Az xəbər verir ki, bu sözləri Dövlət Turizm Agentliyinin sədrinin müşaviri Kənan Quluzadə bu gün keçirilən mətbuat konfransında deyib.

"Düşünürəm ki, bu, Çindən gələn turistlərin sayına təsir edəcək. Çin bazarı gələcək üçün prioritet istiqamətlərdən biri kimi müəyyən edilib. Bundan əlavə, Türkiyədə də turizm ofisi açmaq niyyətindəyik. Hazırda Rusiya və İsraildə iki turizm ofisimiz mövcuddur".

K.Quluzadə əlavə edib ki, regional problemlər Azərbaycan turizminə təsir edir:

"Rusiya-Ukrayna, İran-İsrail, Pakistan-Hindistan gərginlikləri Azərbaycan turizminə təsirsiz ötüşmür".

DTA sədrinin müşaviri əlavə edib ki, işğaldan azad edilmiş ərazilərdə turizmə maraq böyükdür:

"Gözləyirik ki, yaxın zamanlarda oralarda yaradılan imkanlar Azərbaycan turizminə müsbət təsir göstərəcək".

Samir İsayev