Nobel mükafatının məbləği artırıldı

Dünyanın ən nüfuzlu ödüllərindən olan Nobel mükafatının məbləği artırılıb.

Oxu.Az-ın xəbərinə görə, bu barədə Nobel Fondunun Direktorlar Şurası qərar qəbul edib.

"4 sentyabr 2017-ci ildə keçirilmiş iclasda qərara gəlinib ki, hər nominasiyada mükafatın məbləği 9 milyon İsveç kronu (təxminən 1 milyon 119 min ABŞ dolları) təşkil etsin. Beləliklə, mükafatın məbləği ötən illə müqayisədə 12,5 faiz artıb”, - deyə fondun sədri Karl Henrik bildirib.

Xatırladaq ki, ötən il Nobel mükafatı laureatları 8 milyon İsveç kronu (931 min dollara yaxın) alıblar. 

N.О.

www.oxu.az