Mar
2023
01:28
138
456
8818
Virtual karabakh

Tbilisidə iğtişaşlar səngimir – YENİLƏNİB + FOTO/VİDEO

9 Mar, 2023
01:28
8818

Tbilisidə iğtişaşlar səngimir – YENİLƏNİB + FOTO/VİDEO

Bizim WhatsApp kanalımıza buradan abunə ola bilərsiniz

Gürcüstan Daxili İşlər Nazirliyinin xüsusi təyinatlı qüvvələri etirazçıları parlament önündən sıxışdırdıqdan sonra Tbilisidə qanunverici orqana yaxın ərazilərdə iğtişaşlar davam edib.

Nümayişçilər polis maşınını aşırıblar. Onlar xüsusi təyinatlıların irəliləməsinə mane olmaq üçün barrikadalar qururlar.

00:07

Xüsusi təyinatlılar Tbilisidə parlament binası qarşısındakı etiraz aksiyasını tamamilə dağıdıblar.

Etirazçılar metal hasarları yarmağa çalışaraq qanunverici orqan binasının darvazalarına yaxınlaşıblar.

Təhlükəsizlik qüvvələri etirazçıları qovmaq üçün parlamentin həyətindən onların üzərinə su buraxıblar.

Həmçinin, Xüsusi Təyinatlı Qüvvələr gözyaşardıcı qaz və su şırnaqlarından da istifadə ediblər.

Bir müddət sonra onlar etirazçıları parlamentin qarşısındakı meydandan tamamilə dağıda biliblər.

23:40

Gürcüstan müxalifətinin fəalları milli parlamentin binasını mühasirəyə alıblar.

Onlar binanın şüşələrini sındırıb, parlamentin yaxınlığındakı hasarları söküblər.

Hadisə yerində Gürcüstan polisinin xüsusi təyinatlıları var və onlar etirazçıları dağıtmaq üçün su şırnaqlarından və gözyaşardıcı qazdan istifadə edirlər.

Müxalifət fəalları isə qoruyucu maskalar və xüsusi qaz maskaları taxırlar.

Xatırladaq ki, müxalifət xarici agentlər haqqında qanunun qəbuluna qarşıdır. Etirazçılara Gürcüstan prezidenti Salome Zurabişvili də dəstək verib.

23:13

Çərşənbə günü Tbilisidə parlament binası yaxınlığında mindən çox insan toplaşıb.

Xüsusi təyinatlılar gecə saatlarında Gürcüstanın Aİ-yə namizəd statusu almasına mane ola biləcək xarici agentlər haqqında qanun layihəsinin qəbuluna etiraz edənləri dağıtdıqdan sonra bu gün aksiya bərpa olunub.

Parlamentin yerləşdiyi Rustaveli prospektində nəqliyyatın hərəkəti dayandırılıb. Etirazçılar Gürcüstan və Avropa İttifaqının bayraqlarını tutaraq çərşənbə axşamı birinci oxunuşda dəstəklənən qanun layihəsinin qəbuluna qarşı şüarlar səsləndirirlər.

Aksiyanın dinc xarakter daşıdığı bildirilsə də, polislə toqquşmalar qeydə alınıb. Aksiyanı dağıtmaq üçün su şırnaqları və gözyaşardıcı qazdan istifadə edilib.

Daxili İşlər Nazirliyinin məlumatına görə, dünənki aksiya zamanı 66 nəfər saxlanılıb. Həmçinin, bildirilib ki, iğtişaşlar zamanı 50 polis əməkdaşı yaralanıb. Bu gün daha 10 nümayişçinin saxlanıldığı qeyd olunub.

14:40

Ötən gün Tbilisidə parlament binası qarşısında keçirilmiş etiraz aksiyası zamanı 66 nəfər saxlanılıb.

Bu barədə Gürcüstan Daxili İşlər Nazirliyi məlumat yayıb.

Məlumatda həmçinin qeyd olunur ki, həmin şəxslər tərəfindən törədilmiş hüquqpozmalarla bağlı faktlar məhkəməyə təqdim olunacaq.

Daxili İşlər Nazirliyi əlavə edib ki, iğtişaşlar zamanı 50 polis əməkdaşı yaralanıb. Onların bəziləri hələ də tibb müəssisələrindədirlər.

Mənbə: TASS

Bizimlə əlaqə saxlayın

Digər Dünya xəbərləri