SAXAL İsrailə hücumun təşkilatçılarından olan “Nuhba” yaraqlılarının rəhbərini məhv etdi - YENİLƏNİB + VİDEO

İsrail Müdafiə Ordusu (SAXAL) Fələstinin radikal HƏMAS hərəkatının hava-desant bölməsinin lideri, “Nuhba” komandosunun rəhbəri Murad Əbu Muradın Qəzza zolağında məhv edildiyini bildirib.

Murad oktyabrın 7-də İsrailə hücumun əsas təşkilatçılarından biri hesab olunur.

O, HƏMAS-ın Qəzzadakı əməliyyat qərargahına endirilən zərbə nəticəsində öldürülüb.

SAXAL-dan həmçinin bildirilib ki, eyni vaxtda HƏMAS-ın Qəzza zolağının müxtəlif ərazilərində yerləşən onlarla hərbi obyektə də zərbələr endirilib.

Mənbə: mk.ru

11:36

İsrail qırıcıları cümə günü Qəzza zolağında bir neçə hədəfə zərbələr endirib, onlarla fələstinli HƏMAS yaraqlısını məhv edib.

Oxu.Az-ın məlumatına görə, bu barədə İsrail Müdafiə Ordusunun (SAXAL) Mətbuat Xidməti məlumat yayıb.

“SAXAL Qəzza zolağında HƏMAS terrorçularının hədəflərinə zərbələr endirməkdə davam edir və onlarla “Nuhba” terrorçusunu məhv edib”, - deyə müdafiə qurumunun sosial şəbəkə hesabından bildirilib.

Bəyanatda deyilir ki, “Nuhba” yaraqlıları ötən şənbə (oktyabrın 7-də) İsrailə sızmağa rəhbərlik edən aparıcı qüvvələrdən biri idi.

SAXAL İsrailə hücumun təşkilatçılarından olan “Nuhba” yaraqlılarının rəhbərini məhv etdi - YENİLƏNİB + VİDEO