Lukaşenko: "Rusiyanın cəbhədə uğurları var"

Vladimir Putin Rusiyaya rəsmi səfər edən Belarus Prezidenti Aleksandr Lukaşenkonu qəbul edib.

Oxu.Az bu barədə Rusiya KİV-nə istinadən xəbər verib.

Görüşdən sonra jurnalistlərə açıqlama verən A.Lukaşenko bildirib ki, Kremlin Ukrayna üzrə danışıqlar prosesində "kozır"ları var və danışıqlar Moskvanın o kartları çıxardığı vaxt mümkün olacaq.

A.Lukaşenkonun sözlərinə görə, hazırda Rusiyanın cəbhədə uğurları olduğu üçün Moskvanın Vaşinqtonun 30 günlük atəşkəs təklifi ilə razılaşması çətindir.