30 ildən sonra nəşi tapılan şəhid Arif İmaməliyev Bakıda dəfn edilib

Birinci Qarabağ müharibəsində itkin düşən şəhid Arif Ələkbər oğlu İmaməliyev dəfn olunub.

Oxu.Az xəbər verir ki, şəhid Suraxanı rayonu, Yeni Suraxanı qəsəbəsində yerləşən Şəhidlər xiyabanında torpağa tapşırılıb.

Xatırladaq ki, Arif İmaməliyevin nəşinin qalıqları 30 ildən sonra Gəncədə Şəhidlər xiyabanında tapılıb.

30 ildən sonra nəşi tapılan şəhid Arif İmaməliyev Bakıda dəfn edilib

13:16

Aşkarlanmış meyit qalıqlarının eyniləşdirilməsi prosesində şəxsiyyəti müəyyən olunmuş, Birinci Qarabağ müharibəsində itkin düşmüş Arif Ələkbər oğlu İmaməliyevin nəşi bu gün ailəsinə təhvil verilib.

Oxu.Az xəbər verir ki, şəhidin nəşi mərhumun ailə üzvlərinin yaşadığı Bakı şəhəri Suraxanı rayonu Yeni Suraxanı qəsəbəsində yerləşən evinə gətirilib.

Vida mərasimində şəhidin ailə üzvləri, yaxınları iştirak edib.

Şəhid Yeni Suraxanı Şəhidlər xiyabanında dəfn olunacaq.

Qeyd edək ki, şəhid 1960-cı il iyunun 13-də Bakı şəhərinin Bayıl qəsəbəsində anadan olub. 1979-1981-ci illərdə Əfqanıstanda gedən döyüşlərdə iştirak edib.

1992-ci il Ağdam, Laçın, Ağdərə, Tovuz və başqa rayonlar istiqamətində gedən döyüşlərdə fəal iştirak edib. Laçında qəlpə yarası alıb və Bakıya göndərilib, ancaq yarası sağalmadan cəbhəyə geri dönüb. 1994-cü ildə Kəlbəcər rayonu Susuzluq kəndinin müdafiəsi uğrunda gedən döyüşdə əsgər yoldaşlarının helikopterə minə bilmələri üçün onları müdafiə edərkən qəhrəmancasına şəhid olub.

Almaz Qasımova