Bu gün Ağdam rayonunda ölümlə nəticələnən qəza baş verib.
Oxu.Az "Qafqazinfo"ya istinadən xəbər verir ki, qəzada 4 hərbçi həyatını itirib, 1 nəfər isə xəsarət alıb.
Həlak olanlar leytenant Faiq Xanqulu oğlu Mehtiyev, çavuş Saday Yaqub oğlu Qəhrəmanov, çavuş Ruslan Ramil oğlu Novruzov, İsmayıl Abdulla oğlu Abbasovdur.
Ağdamda baş verən yol-nəqliyyat hadisəsi zamanı yaralanan şəxslərin son vəziyyəti açıqlanıb.
Bu barədə Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib:
"Mayın 10-da saat 10 radələrində Ağdam rayonu ərazisində baş verən yol-nəqliyyat hadisəsi səbəbi ilə 1 nəfər (kişi) Ağdam Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
1983-cü il təvəllüdlü şəxsə müştərək travmalar, hər iki diz nahiyəsinin sıyrılmış yaraları diaqnozları təyin olunub və zəruri tibbi yardım göstərilib.
Vəziyyəti qənaətbəxş iymətləndirilən pasiyentin müalicəsi Təcili tibbi yardım şöbəsində davam etdirilir".
Şükufə Süleymanlı
Ağdamda ağır yol-nəqliyyat hadisəsi baş verib.
Oxu.Az APA-ya istinadən xəbər verir ki, qəza Ağdam-Xankəndi yolunun Ağdam rayonunun Çuxurməhlə kəndi ərazisindən keçən hissəsində qeydə alınıb.
Belə ki, KIA və VAZ-2106 markalı minik avtomobillərinin toqquşması nəticəsində dörd nəfər ölüb, dörd nəfər isə müxtəlif dərəcəli bədən xəsarətləri alıb.
Hadisə yerinə cəlb olunan Fövqəladə Hallar Nazirliyinin Qarabağ Regional Mərkəzinin xilasediciləri avtomobillərdə sıxılmış vəziyyətdə qalan meyitləri çıxararaq aidiyyəti üzrə təhvil veriblər.
Faktla bağlı araşdırma davam etdirilir.
