Bakının Xəzər rayonu, Buzovna qəsəbəsində yerləşən 5 nömrəli Bakı Peşə Məktəbinin tələbələri təqaüdlərinin gecikdirilməsindən şikayət edirlər.
Bu barədə Oxu.Az-a müraciət daxil olub.
Tələbələrin sözlərinə görə, iyul, avqust və sentyabr ayları üçün nəzərdə tutulan təqaüdlər hələ də ödənilməyib. Onlar digər peşə təhsili müəssisələrində ödənişlərin artıq həyata keçirildiyini bildiriblər.
Bəs 5 nömrəli Bakı Peşə Məktəbində təqaüdlər nə zaman ödəniləcək?
Məsələ ilə bağlı Peşə Təhsili üzrə Dövlət Agentliyindən Oxu.Az-ın sorğusuna cavab olaraq bildirilib ki, təqaüdlərin növbəti həftə ərzində ödənilməsi nəzərdə tutulur.
Aytac Qasımova
Qaynar xətt:
(055) 224 12 12
