"Tokyo Drift Azərbaycan" tədbirinə bir gün qalmış Bakıda, Səməd Vurğun küçəsindəki qapalı dayanacaqda səs-küylü məşq prosesi baş tutub.
Oxu.Az xəbər verir ki, məşqlər dinamik keçməklə yanaşı, həm də şəhər sakinlərinin marağına səbəb olub.
Güclü mühərriklərin səsi və həyəcan dolu drift-şou hər kəsi heyrətləndirib.
Bu gün yaranan maraq bir daha onu göstərir ki, iyulun 4-ü Bakıda hər şey daha böyük, daha fərqli və unudulmaz olacaq. Tokio küçələrinin yeraltı gecə həyatından və unikal avtomobil mədəniyyətindən ilhamlanan tədbir, iştirakçılara özlərini Yaponiyanın meqapolisindəki kimi hiss etdirəcək. Sürət, xüsusi işıqlandırma effektləri, musiqi və maşınların harmoniyası paytaxt sakinlərinə əsl adrenalin partlayışı yaşadacaq.
Tədbirin rəsmi proqramı sabah - iyulun 4-ü saat 18:00-da Səməd Vurğun küçəsindəki dayanacaq ərazisində start götürəcək. Saat 20:00-da hər kəsin səbirsizliklə gözlədiyi əsas drift-şou bədii hissəsi başlayacaq, saat 21:00-da isə gecənin enerjisi ritmik "afterparty" ilə davam etdiriləcək.
Bu həyəcana canlı şahidlik etmək istəyənlər biletləri rəsmi satış kanalı olan iTicket.az platforması vasitəsilə onlayn qaydada, eləcə də şəhərin bütün kassalarından əyani formada əldə edə bilərlər.
Qeyd edək ki, Oxu.Az avtomobilsevərlərin ən çox gözlədiyi bu layihənin media tərəfdaşıdır.
