:1200.jpg)
Dünən ölkə mətbuatı qumardan 4,5 milyon rubl udub özünə bahalı əşyalar alan azərbaycanlı tələbədən yazıb.
Oxu.Az Avtosfer.az-a istinadən xəbər verir ki, barəsində danışılan Hüseyn Rzazadə bütün bunların ağ yalan olduğunu açıqlayıb: “Guya ki, mən “BMW” almışam qumar hesabına. Ruslar hansısa onlayn qumar saytını reklam etmək üçün hekayə uydurub, mənim fotolarımdan istifadə edərək cəfəng bir yazı hazırlayıblar. Bizin yerli saytlar da araşdırmadan həmin yazını tərcümə edərək tirajlayıblar. Bu ruslar yalandan özlərindən hekayə qurublar öz onlayn qumar saytlarını reklam etmək üçün və bizim saytlar da onların xəbərlərindən yararlanaraq tərcümə edib bütün xəbər portallarında mənim şəkillərimdən istifadə edərək yayıblar. Bildirirəm ki, mənim adım, həmin yazılarda qeyd edildiyi kimi, Cabbar Nəsibov yox, Hüseyn Rzazadədir.
Bu avtomobil isə bir ildir ki, məndədir, qumar hesabına yox, zəhmətim hesabına almışam. Ümumiyyətlə, bütün uğurlarıma görə zəhmət çəkmişəm. Yazılanlar uydurma və cəfəngiyatdır, məni tanıyanlar necə biri olduğumu bilirlər. Bu, biabırçılıqdır”.
03.07.2017 17:57
Azərbaycanlı tələbə bir aya BMW alacaq qədər pul qazanıb.
Bir ay əvvələ qədər sıradan həyat yaşayan 22 yaşlı Cabbar Nəsibov milyonçu olmasının sirlərini Rusiya mətbuatına müsahibəsində açıqlayıb.
Oxu.Az Qaynarinfo-ya istinadən hazırda oliqarx həyatı yaşayan Cabbar Nəsibovun maraqlı hekayəsini sizə təqdim edir:
“Cəmi 1 ay əvvəl cibində 10 AZN-dən başqa heç nəyi olmayan tələbə idim. Bu gün isə artıq özümə nəinki BMW, ağlımdan keçən hər şeyi ala bilirəm”.
Cabbar Nəsibovun həyatı kiçik, ancaq çox əhəmiyyətli bir hadisədən sonra dəyişib. Belə ki, səhhətində problem yaranan sevgilisini evə aparmaq üçün taksi pulu tapa bilməyən Cabbar onu evlərinə ötürdükdən sonra qızın valideynlərindən taksiyə 12 manat ödəmələrini xahiş edib: “Hadisənin mənə necə pis təsir etdiyini və Marinanın valideynlərindən bunu istəyəndə necə utandığımı təsəvvür belə edə bilməzsiniz.
Evə qayıtdım və qərar verdim ki, bu gündən etibarən həyatım dəyişəcək. Bir dəfə insanların kazinodan böyük məbləğdə pul qazana bildiyini oxumuşdum. Dostumdan 1000 rubl pul borc götürdüm. İlk oyunda məbləği 1800 rubla qaldırdım. Oynamağa davam etdim. Səhəri gün qazandığım məbləğ 34 700 rubl idi. Və indi mən sevdiyim qızı nəinki taksiylə evə apara, hətta ona uzun müddətdir ki, xəyal etdiyi telefonu ala bilirdim. Ayın sonunda qazandığım məbləğ 680 000 rubl idi. Qazancımın yarısı ilə xərclərimi qarşıladım. Digər yarısı ilə isə oyuna davam etdim. Qazandığım pulla özümə ilk bahalı saat, iPhone və ən böyük xəyalım olan yepyeni BMW aldım.
Marinaya söz verdim ki, bir dənə də maşın alacam və həmin maşını ona hədiyyə edəcəm. Və bu gün mən sözümü tutmağa tam hazıram. Bank hesabımda artıq 4 545 998 rubl məbləğində pul var və mən çox xoşbəxtəm. Çünki bütün bunlar 22 yaşımda baş verdi və mən həyata hələ indi başlayıram”.
N.О.
:640.jpg)
