Növbəti köç karvanları Xocalı rayonunun Xanyurdu və Təzəbinə kəndlərinə, Xankəndi şəhərinin Kərkicahan qəsəbəsinə çatıb, ailələrə mənzillərin açarları təqdim olunub.
Oxu.Az "Report"a istinadən xəbər verir ki, Böyük Qayıdış prosesi çərçivəsində doğma yurduna dönən ailələr Xocalı şəhərinə çatıb.
Qeyd edək ki, bu mərhələdə Xocalı rayonu Xanyurdu kəndinə altı ailənin (24 nəfər), Təzəbinə kəndinə səkkiz ailənin (41 nəfər), Xankəndi şəhəri Kərkicahan qəsəbəsinə beş ailənin (25 nəfər) daimi qayıdışı təmin edilib.
