Milli Məclisin İqtisadi siyasət, sənaye və sahibkarlıq və Əmək və sosial siyasət komitələrinin birgə iclasında "Dövlət sosial müdafiə fondunun 2026-cı il büdcəsi haqqında" qanun layihəsinin müzakirəsi zamanı pensiyaya tez çıxmaq və güzəştli şərtlərlə pensiyadan danışılıb.
Oxu.Az xəbər verir ki, bu barədə deputat Əli Məsimli danışıb.
O bildirib ki, 5 il tez pensiyaya çıxmaq güzəşti 5 və ondan artıq uşağı olan analara verilib:
"Gənc ailələrdə 5 və ondan artıq uşaq çox nadir hadisədir. Təklif edirəm ki, 3 və daha çox uşağı olan ailələrin nümayəndələrinin 5 il tez güzəştlə pensiyaya çıxmasının tətbiq olunması istiqamətində qanunvericilikdə dəyişikliklər olunsun".
Mərahim Nəsib
