Ən son xəbərləri bizim "Instagram" səhifəmizdə izləyin

Ekspert: "AZAL-ın təyyarəsi Rusiya HHM tərəfindən vurulub, mülki təyyarəni vurmaq əmrini kim verib?"
"Ötən il dekabrın 25-də Aktau yaxınlığında qəzaya uğrayan AZAL-ın Bakıdan Qroznıya uçan sərnişin təyyarəsi birmənalı olaraq Rusiyanın hava hücumundan müdafiə (HHM) sistemi tərəfindən vurulub. Bu gün birgə araşdırmanın əsas suallarından biri budur ki, mülki təyyarəyə atəş açmaq qərarını kim verib və təyyarəni pilotsuz uçuş aparatı ilə necə səhv salmaq olardı?"
Oxu.Az xəbər verir ki, bunu "Report"a müsahibəsində Tətbiqi Etnosiyasi Araşdırmalar İnstitutunun direktoru Talqat Kaliyev deyib.
Kaliyev qeyd edib ki, hadisənin özü ilə bağlı araşdırma çox vaxt aparacaq, amma çox yaxında ilkin nəticələr açıqlanacaq. "Azərbaycan və Rusiya tərəfi prosesdə fəal iştirak edirlər. Qazaxıstanın vəzifəsi təhqiqatı koordinasiya və qəzaya uğramış təyyarənin gövdəsinin bütün elementlərinin təhlükəsizliyini təmin etməkdir", - deyə o bildirib.
O xatırladıb ki, Rusiya təyyarənin HHM sistemi ilə vurulmasını inkar etmir. "Təyyarə vurulub, istənmədən olsa belə. Aydındır ki, heç bir bədxah niyyət olmayıb. Sual budur ki, kim mülki təyyarəni PUA-dan ayıra bilməyib və kim sərnişin təyyarəsinə atəş açmaq əmrini verib", - deyə agentliyin mənbəsi bildirib.
"Qazaxıstan Aktau yaxınlığında baş vermiş aviaqəzanın təhqiqatını aparan beynəlxalq dövlət komissiyasının rəhbəri kimi özünü ən peşəkar şəkildə və düzgün formada aparır. Bu onun qərəzsizliyində və həyata keçirilən bütün fəaliyyətlərin şəffaflığında özünü göstərir", - deyə Kaliyev bildirib.
Politoloq xatırladıb ki, bunun əsas sübutu Qazaxıstanın "qara qutular"ı oxumaq üçün onları qəzaya uğramış "Embraer" təyyarəsini istehsal edən Braziliyaya vermək qərarıdır. Səs yazılarının oxunmasında həm Azərbaycandan, həm də Rusiyadan nümayəndələr iştirak edir.
"AZAL təyyarəsinin qəzası" teqi üzrə xəbərlər
- Rusiya təbliğatının ənənəvi aqressiyası - Azərbaycanın haqlı tələblərinə şantajla cavab
- Aktauda AZAL təyyarəsinin qəzasında həlak olanların xatirəsi anılıb
- Rusiyanın AZAL-a məxsus təyyarənin vurulmasına münasibəti - Olmayan imicin itirilmə qorxusu
- AZAL təyyarəsinin qəzası ilə bağlı ilkin hesabatın TƏHLİLİ
- Fuad Hüseynəliyev: "Rusiya təyyarənin vurulması ilə bağlı daha dəqiq terminlərlə üzr istəməlidir"
Rəylər