Amerikalı alim və uzunömürlülük üzrə ekspert Valter Lonqo bildirib ki, balığın düzgün seçilməməsi təhlükəli xəstəliklərə yol aça bilər.
Oxu.Az xəbər verir ki, bu fikri o, "El Espanol" nəşrinə müsahibəsində səsləndirib.
Lonqo xəbərdarlıq edib ki, bəzi balıq növləri arsen və civə ilə çirklənə bilər. Bu maddələr sinir və immun sistemlərində patologiyaların inkişafı riskini artırır.
Ekspert belə halların qarşısını almaq üçün tərkibində külli miqdarda arsen və civə olan tuna və qılıncbalığı yerinə sardin, alabalıq, treska, qızılbalıq, skumbriya və ançous kimi balıqlara üstünlük verilməsini tövsiyə edib.
