Füzulidə 1 İyun - Uşaqların Beynəlxalq Müdafiəsi Gününə həsr olunmuş "Qarabağım mənim" adlı festival keçirilib.
Oxu.Az xəbər verir ki, işğaldan azad olunmuş ərazilərin məktəbliləri üçün festival Füzuli şəhərində yerləşən Kurmanqazı adına Uşaq Yaradıcılıq Mərkəzində baş tutub.
Tədbirdə 150-yə yaxın şagird iştirak edib. Festivalın əsas məqsədi uşaqların yaradıcılıq potensialının üzə çıxarılması və onların asudə vaxtlarının səmərəli təşkili olub.
Festival çərçivəsində məktəblilərin musiqili çıxışları nümayiş olunub, müxtəlif əyləncəli və interaktiv proqramlar təşkil edilib. "Sülh bağı" adlı ağacəkmə aksiyasında uşaqlar fəal iştirak ediblər.
Füzulidə Uşaqların Beynəlxalq Müdafiəsi Gününə həsr olunmuş “Qarabağım mənim” adlı festival keçirilib#Füzuli pic.twitter.com/LGsqMDmL9u
— Oxu.Az (@oxuaz) June 1, 2025
