Güclü külək Suraxanıda fəsadlar törətdi: Elektrik xəttində ALIŞMA BAŞ VERDİ

Bakının Suraxanı rayonunda küçə işıqlandırmasını qidalandıran xətdə problem yaranıb.

Oxu.Az xəbər verir ki, qısaqapanma nəticəsində yolun hərəkət istiqamətində alışma baş verib.

Məsələ ilə bağlı Oxu.Az-ın sorğusuna cavab olaraq "Azərişıq"ASC-dən fakt təsdiqlənib.

"Hadisə ötən gün axşam saatlarında Əmircan qəsəbəsində baş verib. Güclü külək nəticəsində ağacdan qırılan budaq küçə işıqlandırmasını qidalandıran xəttin üzərinə düşüb və xətti zədələyib. Dərhal əraziyə qəza xidmətimiz cəlb olunub, problem aradan qaldırılıb. Xəttin üzərinə düşən budaq səhər saatlarında ərazidən götürülüb", - deyə məlumatda bildirilib.

Əzizə İsmayılova