Samur-Abşeron kanalında antisanitar vəziyyət aradan qaldırılıb.
Oxu.Az xəbər verir ki, Samur-Abşeron suvarma kanalındakı antisanitar vəziyyət polis əməkdaşlarının nəzarəti ilə təmizlənib.
Polis əməkdaşları proses zamanı təhlükəsizliyi təmin edib və işlərin qaydasında aparılmasına nəzarət ediblər.
Aytac Qasımova
Abşeron su kanalının Maştağa qəsəbəsindən keçən hissəsində xeyli sayda balığın tələf olduğu müşahidə edilib.
Kanal yaşayış sahəsinin içindən keçdiyi üçün bəzi sakinlər tərəfindən məişət tullantılarının oraya atılması vəziyyəti daha da ağırlaşdırır.
"Hər cür zir-zibili buraya atırlar. Belə şey olmaz. Kanal dolur, su getmir. Üç-beş aydan bir gəlib təmizləyirlər. Kanalın üstü balıqla dolu idi. Adamın ürəyi ağrıyır. Bu qədər balıq qırılar?!" - deyə sakinlərdən biri narazılığını ifadə edib.
Başqa bir sakin isə belə deyib: "Kanalda on min balıq var idi. Zəhərli maddələr töküblər, nə ediblər, bilinmir".
Məsələ ilə bağlı Suların İstifadəsinə və Mühafizəsinə Dövlət Nəzarəti Xidmətindən bildirilib ki, əməkdaşlar ərazidən su nümunələri götürərək Mərkəzi Laboratoriyaya təqdim ediblər. Analizlərin nəticələri açıqlanandan sonra faktla bağlı ətraflı məlumat veriləcək.
Daha ətraflı Baku TV-nin videomaterialında:
