"Bizim üçün çətin oyun idi".
Oxu.Az xəbər verir ki, bunu DÇ-2026-nın seçmə mərhələsi çərçivəsində keçirilən Azərbaycan - İslandiya (0:2) görüşündən sonra İslandiya millisinin baş məşqçisi Arnar Qunnlauqsson deyib.
O, bildirib ki, birinci hissədə komandası yaxşı çıxış etdi: "Birinci hissədə göstərdiyimiz oyunla nəticəni qazandıq. Lakin ikinci hissədə Azərbaycan millisi daha yaxşı çıxış etdi. Yenə də qapımızdan qol buraxmadan bizə lazım olan nəticəni qazandıq".
Bas məşqçi Azərbaycan millisinin performansı barədə də danışıb: "Azərbaycan milli komandası fiziki cəhətdən yaxşı çıxış etdi. İlk oyunla müqayisədə görünürdü ki, komandada xeyli artım var. Komanda yaxşı yoldadır. Fikrimcə, milli komandanıza vaxt lazımdır. Yaxın zamanda qələbələrin gələcəyinə inanıram. İkinci hissədə göstərdikləri oyunu ilk hissədən gözləyirdim".
Qeyd edək ki, millimiz növbəti görüşünü noyabrın 16-da Tofiq Bəhramov adına Respublika stadionunda Fransa millisinə qarşı keçirəcək.
Murad Nəsimi
