Paytaxtın Nizami rayonu, Heydər Əliyev prospektində baş verən yol-nəqliyyat hadisəsinin təfərrüatı məlum olub.
Oxu.Az-ın sorğusuna cavab olaraq Bakı Şəhəri Dövlət Yol Polisi İdarəsindən (BŞDYPİ) bildirilib ki, hadisə bu gün saat 15:50-də qeydə alınıb.
"Abasət Həsən oğlu Alhüseynov idarə etdiyi "Toyota Prado" markalı, 90-TU-090 dövlət nömrə nişanlı minik avtomobilində idarəetməni itirib. Nəticədə bordürü aşaraq yolun əks istiqamətinə keçib və hərəkətdə olan Tural Dilqəm oğlu Xudiyevin idarə etdiyi "Chanqan" markalı, 77-SA-117 dövlət nömrə nişanlı avtomobillə toqquşub. Avtomobillərə ciddi ziyan dəyib. Xəsarət alan olmayıb. Faktla bağlı araşdırma aparılır", - deyə məlumatda bildirilir.
Əzizə İsmayılova
Paytaxtın Nizami rayonu, Heydər Əliyev prospektində yol-nəqliyyat hadisəsi baş verib.
Oxu.Az xəbər verir ki, bu barədə Daxili İşlər Nazirliyinin Nəqliyyatı İntellektual İdarəetmə Mərkəzi məlumat yayıb.
Bildirilib ki, qəza səbəbindən prospektin hər iki istiqamətində sıxlıq yaranıb.
Sıxlığın aradan qaldırılması üçün polis əməkdaşları tərəfindən tədbirlər görülür.
