"m10" istifadəçiləri son bir ayda balanslarını artıra bilməmələrindən narazıdırlar.
Bununla bağlı Oxu.Az-a müraciət edən tətbiq istifadəçiləri bildiriblər ki, balans artımı üçün məbləğ və bank kartı məlumatlarını daxil etdikdə OTP (One-Time Password) kodu gəlmir.
Bəzi istifadəçilər isə qeyd ediblər ki, "m10" balansını artırmaq istəsələr də, kod vasitəsilə təsdiq etsələr də ödənişlər həyata keçmir və balans artmır.
Məsələ ilə bağlı "m10"un müştəri xidmətləri ilə əlaqə saxladıq.
Müştəri xidmətlərindən Oxu.Az-a bildirilib ki, sözügedən problem banklardan qaynaqlanır:
"Balans artımı zamanı hesabdan vəsaitin silinməsinə görə vətəndaşa bir dəfəlik istifadə kodu olan OTP-ni bank göndərir. Əgər vətəndaş OTP kodunu əldə edə bilmirsə, ilk olaraq bankla əlaqə saxlamalıdır. Onun məlumatları yoxlandıqdan sonra problemin qaynağını tapmaq mümkündür. Həmçinin bu, istifadə edilən nömrə ilə də əlaqəli ola bilər. Bu zaman da OTP kodunun göndərilməsində problemlər yaşana bilir.
Mobil tətbiq vasitəsilə təsdiqlər zamanı balansdan vəsaitin silinməməsi və "m10" balansının artırılmaması da banklardan qaynaqlanır".
Onlar "m10" elektron pulqabısı ilə səhər saatlarında edilən ödənişlərdə yaranan problemə də aydınlıq gətirib:
"Səhər saatlarında ictimai nəqliyyatda ödəniş etmək üçün QR-kodun yaradıla bilməməsi ümumi problem idi. Bu problem "BakıKart"dan qaynaqlanırdı. Hazırda ödənişlərdə hər hansı problem müşahidə edilmir".
Aygün Mirakif
M10 elektron pulqabısı ilə ödənişdə problem yaranıb.
Oxu.Az Modern.az-a istinadən bildirir ki, səhər saatlarında tətbiqdə ictimai nəqliyyatda ödəniş etmək üçün QR-kod yaratmaq mümkün olmayıb.
Tətbiqdə ödəniş etmək istəyərkən "Xəta baş verdi" mesajı görünüb.
Problemin nədən qaynaqlandığı məlum deyil.
