Kəlbəcərdə traktorun minaya düşməsinin bəzi təfərrüatı məlum olub.
Oxu.Az "Report"a istinadən bildirir ki, minaya düşən traktor Kəlbəcər rayonunda kəndarası yolun çəkilişini aparan şirkətlərdən birinə məxsus olub. Elə hadisə də görülən iş zamanı qeydə alınıb.
Qeyd edək ki, xəsarət alan 1989-cu il təvəllüdlü R.Əsədov xəstəxanaya yerləşdirilib. Ona həkimlər tərəfindən tibbi yardım göstərilib, vəziyyəti qənaətbəxş hesab edilir.
Kəlbəcərdə mina hadisəsi baş verib.
Oxu.Az xəbər verir ki, hadisə rayonun Susuzluq kəndi ərazisində qeydə alınıb.
Kənd ərazisində traktorun minaya düşməsi zamanı partlayış olub. Nəticədə traktorun sürücüsü olan 1989-cu il təvəllüdlü Kürdəmir sakini Rəşadət Əsədov xəsarət alaraq xəstəxanaya aparılıb.
Hadisə ilə bağlı araşdırma aparılır.
