Azərbaycanda son günlər kənd yumurtasının qiymətində artım müşahidə olunur.
Oxu.Az xəbər verir ki, kəndlərdə birbaşa istehsalçılardan 25-28 qəpiyə alınan yumurtanın bir ədədinin qiyməti bazarlarda 40-50 qəpiyə satılır.
Mütəxəssislər bunun səbəbini belə izah edirlər ki, kəndlərdə yumurta istehsalı azalıb, bazarlarda isə yaranmış fürsətdən istifadə edilərək qiymətlər süni şəkildə yüksəldilir.
Ekspertlər hesab edirlər ki, yaxın aylarda yumurta bazarında vəziyyət həm daxili istehsal göstəricilərindən, həm də istehsal xərclərinin dinamikasından asılı olacaq. Onların fikrincə, yay mövsümündən sonra yumurtaya olan tələbatın artması qiymətlərin də yüksəlməsinə şərait yaradıb.
Qiymət artımına səbəb kimi, ilin əvvəlindən dayanan yumurta ixracının yenidən bərpa olunması da göstərilir - bu iddianı bəzi bazar iştirakçıları səsləndiriblər.
