“Ötən il qanunsuz balıq ovlamaq üçün 65 min metr sintetik tor su hövzələrinə atılıb. Bu torlar su hövzələrindən yığılıb”
Oxu.Az-ın məlumatına görə, bunu Ekologiya və Təbii Sərvətlər Nazirliyinin rəsmi “Facebook” səhifəsində “Ekspert saatı” verilişinin canlı yayımında Dövlət Ekoloji Təhlükəsizlik Xidmətinin rəisi Hikmət Əlizadə bildirib.
O bildirib ki, 2000-ə yaxın müxtəlif ölçülü tor alətləri götürülüb.
H.Əlizadə əlavə edib ki, 2020-ci ildə qanunsuz balıq ovuna görə cərimə və ziyanla bağlı 120 min manatlıq iddia qaldırılıb.
İlhamə Əbülfət
