Bakı şəhəri, Nizami rayonunda kanalizasiya suyunun küçəyə axması sakinlərin narazılığına səbəb olub.
Oxu.Az-ın qaynar xəttinə müraciət edən sakinlərin sözlərinə görə, çirkab su bir həftədir yolda acınacaqlı durum yaradıb.
Sakinlər bildiriblər ki, sözügedən məsələ ilə bağlı aidiyyəti üzrə müraciət etmələrinə baxmayaraq problem aradan qaldırılmayıb.
Oxu.Az-ın sorğusuna cavab olaraq Azərbaycan Dövlət Su Ehtiyatları Agentliyindən (ADSEA) bildirilib ki, məsələ ilə bağlı Nizami Sukanal İdarəsinə məlumat verilib:
"Əraziyə briqada cəlb edilməkdədir. Lazımi tədbirlər görüləcək. Xüsusilə diqqətə çatdıraq ki, ünvanlarda kanalizasiya tutulmalarına səbəb vətəndaşların xətlərə məişət tullantılarını atmaları olur. Sakinlərdən xahiş olunur ki, kanalizasiya xətlərinə tullantı suyundən kənar əşyalar məişət tullantıları atmasınlar".
