Sabiq səhiyyə naziri Oqtay Şirəliyev dəfn olunub.
Oxu.Az xəbər verir ki, mərhum nazir Yasamal qəbiristanlığında torpağa tapşırılıb.
Sabiq səhiyyə naziri, mərhum Oqtay Şirəliyevlə vida mərasimi başa çatıb.
Oxu.Az xəbər verir ki, vida mərasimi Təzəpir məscidində keçirilib.
O.Şirəliyevin nəşi dəfn olunması üçün Yasamal qəbiristanlığına aparılır.
Sabiq səhiyyə naziri, mərhum Oqtay Şirəliyevlə vida mərasimi başlayıb.
Oxu.Az xəbər verir ki, vida mərasimi Təzəpir məscidində keçirilir.
Vida mərasiminə Baş nazir Əli Əsədov, Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev, iqtisadiyyat naziri Mikayıl Cabbarov, səhiyyə naziri Teymur Musayev, Tibbi Ərazi Bölmələrinin idarəetmə Birliyinin (TƏBİB) icraçı direktoru Vüqar Qurbanov, İcbari Tibbi Sığorta üzrə Dövlət Agentliyinin sədri Zaur Əliyev, Bakı Şəhər İcra Hakimiyyətinin başçısı Eldar Əzizov və digər vəzifəli şəxslər qatılıblar.
Keçmiş səhiyyə naziri Oqtay Şirəliyevlə vida mərasimi Təzəpir məscidində keçiriləcək.
Oxu.Az-ın əldə etdiyi məlumata görə, vida mərasimi saat 11:00-da baş tutacaq.
Məlumata görə, vida mərasimindən sonra O.Şirəliyevin nəşi Yasamal qəbiristanlığında torpağa tapşırılacaq.
Qeyd edək ki, sabiq nazir dünən 75 yaşında Xəzər rayonunun Şüvəlan qəsəbəsindəki yaşadığı evdə dünyasını dəyişib.
Samir Əli
