"Səs seansları insanı öz daxili aləmi ilə birləşdirir".
Bu sözləri "Nine Senses Fest 2025" festivalının üçüncü günündə Oxu.Az-a açıqlamasında "VibroSoundLab" komandasının üzvü Pavel Çiqlayev deyib.
O bildirib ki, səs insana psixikanın dərin qatları ilə, şüuraltı ilə əlaqə yaratmağa kömək edir:
"Biz Moskvadan gəlmişik. Artıq 8 ildən çoxdur ki, səsin insan psixikasına təsirini araşdırıb və minlərlə praktik sessiya həyata keçirmişik. Səs insana psixikanın dərin qatları ilə, şüuraltı ilə əlaqə yaratmağa kömək edir. İstifadə etdiyimiz musiqi alətləri zəngin "overtone"larla doludur və bu da beyin dalğalarını rahatlanma halına keçirir. İnsan bu vəziyyətdə öz daxilində bir çox sualın cavabını tapa bilir. Bu, dağlarda olduğun kimi bir haldır, amma biz bunu metropol şəraitində səsin gücü ilə mümkün edirik".
O, festival barədə də öz təəssüratlarını bölüşüb:
"Mən söz tapa bilmirəm. Həqiqətən də valehedici idi. Sevgi və xoşbəxtlik dolu bir atmosfer. Özünü axtaran insanlar bir araya gəlmişdilər və birlikdə möhtəşəm bir enerji, işıq yaratdılar".
Aygün Mirakif
