Bakının Sabunçu rayonu, Pirşağı qəsəbəsi ərazisində Dənizkənarı yolun kənarında qazılmış kanalizasiya quyusuna avtomobillərin düşməsi məsələsinə aydınlıq gəlib.
Oxu.Az-ın sorğusuna cavab olaraq Azərbaycan Dövlət Su Ehtiyatları Agentliyindən (ADSEA) bildirilib ki, Pirşağı qəsəbəsi ərazisində, Dənizkənarı yol boyunca Pirşağı hövzəsi üzrə gətirici kanalizasiya kollektorlarının tikintisi layihəsi icra olunur.
"Tikinti aparılan ərazidə bütün zəruri təhlükəsizlik tədbirləri görülüb, tikinti sahəsi mühafizə zolaqları və xəbərdarlıq nişanları ilə təmin edilib. Bəzi media orqanlarında və sosial şəbəkələrdə Pirşağı qəsəbəsi ərazisində gecə saatlarında baş vermiş nəqliyyat hadisələri ilə əlaqədar araşdırma və rəsmi açıqlama üçün müvafiq quruma müraciət etməyiniz tövsiyə olunur", - deyə məlumatda bildirilib.
Qeyd edək ki, iyulun 3-də gecə saatlarında həmin quyuya hərəkətdə olan "Mercedes-Benz", ötən gün isə "Toyota" markalı avtomobillər düşüb.
