Bakı şəhəri, Binəqədi rayonu, 10 saylı şəhər poliklinikasında travmatoloq olmaması sakinlərin şikayətinə səbəb olub.
Oxu.Az xəbər verir ki, sakinlər poliklinikaya yaxınlaşıb tibbi kitabçalarını götürdükdən sonra 25 saylı şəhər poliklinikasına getmək məcburiyyətində qalırlar.
"10 saylı şəhər poliklinikasında travmatoloq yoxdur. Xəstə məcbur qalır ki, buradan tibbi kitabçasını götürüb 25 saylı şəhər poliklinikasına getsin. O, orada ucsuz-bucaqsız qeydiyyat növbəsindən sonra saatlarla həkimin qəbuluna düşmək üçün gözləməlidir. Hələ kitabçanı götürüb geri qaytarmaq da lazımdır. Vəziyyəti ağır olan xəstələr üçün isə yaxınları əziyyət çəkməli olurlar. Eyni prosesi icra edərək 35 manat ödəyib həkimi evə çağırmalıdır. Verilən bülletenin müddəti 3 gün olduğu üçün əmək qabiliyyətin bərpa olunana qədər eyni proses mütəmadi olaraq təkrarlanır", - sakin qeyd edib.
Məsələ ilə bağlı Tibbi Ərazi Bölmələrini İdarəetmə Birliyinə (TƏBİB) sorğu ünvanlanıb.
Aygün Mirakif
