Ən son xəbərləri bizim Telegram kanalımızda izləyin
:1200.jpg)
Qarlı havada avtoxuliqanlıq edən sürücülər həbs ediliblər - FOTO/VİDEO
Gəncə Şəhər Baş Polis İdarəsinin (ŞBPİ) Dövlət Yol Polisi Şöbəsinin (DYPŞ) əməkdaşları yollarda sürücü və piyadaların təhlükəsizliyinin təmin edilməsi, ictimai asayişin qorunması istiqamətində keçirdikləri tədbirlər nəticəsində şəhər ərazisində avtoxuliqanlıq edərək ictimai-asayişi nümayişkaranə şəkildə pozan və bununla da vətəndaşların haqlı narazılığına səbəb olan sürücüləri saxlayıblar.
Daxili İşlər Nazirliyinin Mətbuat Xidmətinin Gəncə şəhərindəki regional qrupundan verilən məlumata görə, Akif Məmmədov və Fərəc Əmirov idarə etdikləri avtomobil ilə qarlı hava şəraitində yol hərəkəti qaydalarını kobud şəkildə pozaraq, təhlükəli manevrlərlə avtoxuliqanlıq edib, bunu videoya çəkərək sosial şəbəkələrdə paylaşıblar.
Onların barəsində DYPŞ əməkdaşları tərəfindən protokol tərtib edilərək baxılması üçün məhkəməyə göndərilib. Məhkəmə 15 sutkalıq inzibati qaydada həbs cəzası verib.
Bundan başqa, keçirilən monitorinqlər zamanı “Niva” avtomobilinin sürücüsünün qanunla qadağan edilmiş səs siqnalından istifadə etməsi müəyyən olunub. Sürücü barəsində tərtib olunan protokol və səs siqnalı müsadirə edilməsi üçün məhkəməyə göndərilib.
"Bakı Şəhər Dövlət Yol Polisi İdarəsi (BŞDYPİ)" teqi üzrə xəbərlər
- Bakıda qəza: KIA dörd avtomobili əzdi, özü AŞDI
- Bakıda işıqforun qırmızı işığına məhəl qoymayan avtobus sürücüsü cərimələndi
- Polis "Koroğlu"da reyd keçirdi, cərimələr yazıldı
- Bakıda sərnişin avtobusu beş avtomobilə çırpıldı: Daşıyıcı şirkət hadisənin səbəbini AÇIQLADI
- DYP əməkdaşlarını şərləyən sürücünün görüntüləri yayıldı