Rayon xəstəxanasında xidmət göstərilməyən hamilə qadın doğuş üçün "Muravey" motosikleti ilə Gəncəyə çatdırılıb.
Oxu.Az Xəzər TV-yə istinadən xəbər verir ki, hadisə Samux sakininin başına gəlib.
Ər həyat yoldaşını doğuş üçün rayon xəstəxanasına aparıb. Doğuşa hazırlanan qadına sonradan xidmət göstərilməsindən imtina edilib. Altıncı uşağın atası olmağa hazırlaşan Emin Mustafayev bildirib ki, Samux Rayon Mərkəzi Xəstəxanasından onları Gəncəyə yönləndiriblər və bu zaman təcili tibbi yardım avtomobili verməkdən imtina ediblər.
Ana olan Raisa Mustafayeva deyir ki, o, əvvəlcə həkimlər tərəfindən doğuşa hazırlanıb, lakin sonradan tibbi prosedurlar dayandırılıb və qadın Gəncə Şəhər Perinatal Mərkəzinə yönləndirilib.
Maraqlısı odur ki, ailə elə həmin motosikletlə də sonbeşiklərini evə aparıb.
