Sabirabad Rayon Mərkəzi Xəstəxanası Publik Hüquqi Şəxsinə yeni direktor əvəzi təyin olunub.
Oxu.Az "Qaynarinfo"ya istinadən xəbər verir ki, 2024-cü ilin sentyabr ayında xəstəxananın baş həkimi təyin olunmuş Elnur Mehdi oğlu Əzizov sözügedən səhiyyə ocağının direktor səlahiyyətlərini də icra edəcək.
Bununla bağlı TƏBİB-in icraçı direktoru vəzifəsini müvəqqəti icra edən Anar İsrafilov müvafiq əmr imzalayıb.
Qeyd edək ki, bundan əvvəl Sabirabad Rayon Mərkəzi Xəstəxanasının direktoru Həsən Hüseynov vəzifəsindən azad edilib. Onun Dövlət Gömrük Komitəsinin sabiq rəhbəri Səfər Mehdiyevin bacanağı olduğu deyilirdi.
