Sərxoş vəziyyətdə qanaxmadan ölən şəxslə bağlı YENİ DETALLAR

Şəkidə sərxoş vəziyyətdə pəncərəyə zərbə endirərkən qolu kəsilən və qanaxmadan ölən şəxslə bağlı yeni detallar məlum olub.

Oxu.Az-ın əldə etdiyi məlumata əsasən, şəxs ailəli olub və iki övladı var.

Son zamanlar daha çox spirtli içki qəbul etdiyi deyilən mərhumun sərxoş vəziyyətdə özünü idarə edə bilmədiyi və davranışlarında qeyri-adekvatlıq müşahidə olunduğu bildirilib.

Elə hadisə olan vaxt Pərviz Babayev yaşadığı evdə içki içib və hadisə də bundan sonra baş verib.

O, xəstəxanaya çatdırılsa da, qanaxmadan dünyasını dəyişib.

Almaz Qasımova

01:36

Şəkidə qolunu şüşə kəsən 34 yaşlı kişi xəstəxanada vəfat edib.

"Report"un məlumatına görə, 1990-cı il təvəllüdlü Pərviz Fərhad oğlu Babayev ötən gün saat 20 radələrində yaşadığı evdə sərxoş vəziyyətdə pəncərəyə əli ilə zərbə endirib.

Nəticədə şüşə onun qolunu kəsib. 34 yaşlı kişi xəstəxanaya çatdırılıb, lakin tibbi yardımlara baxmayaraq ölüb.

Faktla bağlı araşdırma aparılır.