"Son 6 ayda Azərbaycan üzrə zərərli kontent yayan 2 min resurs zərərsizləşdirilib".
Oxu.Az xəbər verir ki, bunu rəqəmsal inkişaf və nəqliyyat nazirinin müavini Saməddin Əsədov Bakıda keçirilən IV Milli Kibertəhlükəsizlik Forumunda deyib.
O bildirib ki, hesabat dövründə eyni zamanda 200 iri DDoS hücumu zərərsizləşdirilib, eyni zamanda, 1.5 milyondan çox informasiya sızması aşkarlanıb və 160 min botnet şəbəkəsi fəaliyyətinin qarşısı alınıb.
