"Xaçınçay su anbarı 1964-cü ildə tikilərək istifadəyə verilib. Anbarın qarşısında ümumilikdə 7 000 hektar əkin sahəsi mövcuddur və bu sahələrin suvarılması məqsədilə tikilib".
Bu barədə Bakı TV-yə Ağdam Su Meliorasiya Sistemlərinin İstismarı İdarəsinin rəisi Hafiz Əzimzadə məlumat verib.
Yeddi min hektar əkin sahəsinin suvarılması asanlaşacaq
O bildirib ki, su anbarının ümumi həcmi 23 milyon kubmetr təşkil edir.
"2022-ci ildə Prezident İlham Əliyevin 1337 nömrəli sərəncamına əsasən, anbarın əsaslı təmirinə başlanılıb. Görülən işlər zamanı 7 kilometr uzunluğunda torpaq kanal beton kanalla əvəz olunub və su itkisinə qarşı tədbirlər həyata keçirilib".
H.Əzimzadə onu da vurğulayıb ki, hazırda Xaçınçay su anbarından dörd şirkət həm taxıl sahələrinin, həm də bağların suvarılması üçün istifadə edir.
