Bakı şəhərinin Sabunçu rayonu, Zabrat qəsəbəsində yerləşən istifadəsiz stadionun ərazisinə kanalizasiya sularının axdığı iddia olunur.
Bu barədə Oxu.Az-ın qaynar xəttinə müraciət edən sakinlər bildiriblər.
Onlar qeyd edirlər ki, kanalizasiya xəttindən axan çirkab su uzun müddətdir stadionun ərazisində toplanaraq ətrafda antisanitar vəziyyət yaradır.
Sakinlərin sözlərinə görə, bu, xüsusilə isti havalarda kəskin üfunət dözülməz olur:
"Gəlib suyu çəksinlər, qoxudan azad olaq. Əsas problem kanalizasiya suyudur".
Sakinlər qeyd ediblər ki, sözügedən stadion uzun müddətdir istifadə olunmur. Onların sözlərinə görə, ərazi baxımsız vəziyyətdə qalıb və kanalizasiya sularının toplanması problemi getdikcə daha da dərinləşdirir.
Qeyd edək ki, məsələ ilə bağlı aidiyyəti quruma sorğu ünvanlanıb.
