Güclü külək Şəkidə fəsadlar törədib.
"Report"un Şimal-qərb bürosunun məlumatına görə, rayon ərazisində bu gün axşamdan başlayan küləkli hava şəraiti səbəbindən şəhərin mərkəzində ağac aşıb.
Hadisə zamanı xəsarət alan olmayıb.
Güclü külək, həmçinin şəhərin mərkəzində yerləşən yaşayış evinin damını yararsız hala salıb. Aidiyyəti qurumların əməkdaşları hazırda fəsadların aradan qaldırılması istiqamətində işlər aparırlar.
Küləkli hava şəraiti davam edir.
Zaqatalada güclü külək fəsadlar törədib, beşmərtəbəli, çoxmənzilli binanın dam örtüyünü uçurub.
APA-nın məlumatına görə, bu gün günortadan şimal-qərb bölgəsində küləkli hava şəraiti hökm sürür.
Zaqatala şəhəri Vasif Qurbanov küçəsində 5 mərtəbəli, çoxmənzilli yaşayış binasının dam örtüyünün bir hissəsini güclü külək yerə atıb. Külək nəticəsində rayonun bır-sıra ərazilərində irigövdəli ağaclar yıxılıb, budaqlar qırılıb.
Ərazidən keçən elektrik naqilləri qırılıb, rayonun bir sıra ərazilərində naqillərdə qısaqapanmalar olub. Bu səbəbdən rayon mərkəzinin və ətraf kəndlərin bəzi hissələrində elektrik enerjisinin verilməsində fasilələr yaranıb.
Günorta saatlarından müvafiq qurumlar və Zaqatala Paylayıcı Elektrik Şəbəkəsinin əməkdaşları qeyd olunan ərazilərə cəlb ediliblər, fəsadların aradan qaldırılması istiqamətində işlər aparılır.
Rəylər