"Agro-West DC" MMC və "Rublovskiy" Ticarət Evi əməkdaşlıq haqqında müqavilə imzalayıb

Azərbaycanın aparıcı ət məhsulları distribütorlarından olan "Aqro-West DC" MMC Rusiya istehsalçısı "Rublovskiy" Ticarət Evi ilə strateji əməkdaşlıq müqaviləsi imzalayıb.

Bu müqavilə Azərbaycan bazarına geniş çeşiddə kolbasa və delikates məhsullarının tədarükünü nəzərdə tutur. Razılaşma "Rublovskiy" brendinin regional bazarda mövqelərini gücləndirmək, satış şəbəkələrində məhsul çeşidini genişləndirmək və keyfiyyətli məhsulları istehlakçılar üçün daha əlçatan etmək baxımından yeni imkanlar açır.

"Rublovskiy" kimi tanınmış bir brendlə əməkdaşlığa başlamaqdan məmnunuq. Bu, Azərbaycanda premium ət məhsullarının distribüsiyasını daha da inkişaf etdirməyə yönəlmiş mühüm addımdır", - deyə "Aqro-West DC" MMC-nin nümayəndəsi Elvin Aslanov bildirib.

"Aqro-West DC" MMC ilə əməkdaşlıq bizə böyük potensiala malik yeni bazara çıxmaq imkanı yaradır. Əminik ki, məhsullarımız keyfiyyət və ənənəyə dəyər verən Azərbaycan alıcıları tərəfindən yüksək qiymətləndiriləcək". Bu sözləri "Rublovski" Ticarət Evinin nümayəndəsi Dmitri Kondraşov söyləyib.

İstehlakçılar iyun ayının əvvəlindən Azərbaycanın aparıcı satış nöqtələrinin rəflərində "Rublovskiy" məhsullarını görə biləcəklər.

Bildirək ki, bundan sonra şirkətlər birgə marketinq tədbirləri keçirmək və Azərbaycanın bütün ərazisində stabil distribüsiya şəbəkəsini inkişaf etdirməyi nəzərdə tutublar.