Dünyanın aparıcı yeni enerji avtomobilləri (NEV) istehsalçısı olan BYD şirkəti, bu gün möhtəşəm Heydər Əliyev Mərkəzində keçirilən tarixi təqdimatla rəsmən Azərbaycan bazarına daxil oldu.
Müasir Azərbaycanın innovasiya və tərəqqi simvolu olan Heydər Əliyev Mərkəzi, BYD-nin ölkədə yeni enerji mobilliyi erasının əsasını qoyması üçün mükəmməl bir məkana çevrildi.
"Oddan Axına" (From Fire to Flow) konsepti altında keçirilən təqdimat mərasimi Azərbaycanın "Odlar Yurdu" irsinə ehtiram nümayiş etdirməklə yanaşı, BYD-nin daha təmiz və daha inteqrasiya olunmuş enerji gələcəyinə dair baxışını əks etdirirdi. Heydər Əliyev Mərkəzinin axıcı və futuristik memarlığı, keçmişi hərəkətə gətirən enerjidən mobilliyin gələcəyini formalaşdıran yeni enerji texnologiyalarına keçidi simvolizə edir.
"Axın" fəlsəfəsinə uyğun olaraq, BYD Azərbaycanda beş yeni enerji modeli ilə yeni bir səhifə açır: dinamik şəhər həyatı üçün nəzərdə tutulmuş "YUAN UP EV"; premium tam elektrikli ailə səyahətləri üçün yaradılmış "SEALION 6 EV"; gündəlik kəşflər üçün hibrid azadlığı təklif edən "YUAN UP DM"i; smart və uzunməsafəli mobillik anlayışını yenidən müəyyənləşdirən "SEAL 6 DM"i və ailə çoxfunksiyalılığını hibrid səmərəliliyi ilə birləşdirən "SEALION 6 DM"i.
Bu beş model birlikdə müxtəlif həyat tərzlərinə və sürücülük ehtiyaclarına cavab verir. Avtomobillər BYD-nin iki əsas innovasiyası - DM-i "Super Hybrid" texnologiyası və "e-Platform 3.0" əsasında hazırlanıb. Hibrid modellər üçün DM-i "Super Hybrid" sistemi şəhərdaxili tam elektrikli sürüşü magistral yollarda yüksək səmərəliliklə birləşdirir. Bu sistem 100 km-ə cəmi 2.8 litr yanacaq sərfiyyatı və tam dolu çən ilə tam şarj olunmuş batareya sayəsində 2110 km-ə qədər (SEAL 6 DM-i) kombinə edilmiş yürüş məsafəsi təmin edir. Tam elektrikli (EV) modellər üçün "e-Platform 3.0" platforması "Blade Battery" batareyasını birbaşa kuzova inteqrasiya edir. Onun "8-i 1-də" güc aqreqatı və qabaqcıl istilik idarəetmə sistemi müxtəlif iqlim şəraitində yüksək təhlükəsizlik, geniş salon və etibarlı performans təqdim edir.
BYD Azərbaycanda yalnız məhsulları ilə deyil, həm də strateji investisiyalar və yerli istehsalla mövcudluğunu genişləndirir. Şirkət Sumqayıt Kimya Sənaye Parkında istehsal müəssisəsi quraraq ölkənin elektrik mobilliyinə keçidini fəal şəkildə dəstəkləyir.
Oddan axına, imkanlardan tərəqqiyə və xəyallardan reallığa - BYD-nin Azərbaycandakı yeni səhifəsi Bakıdan başlayır.
Əlaqə: www.byd.com
Ünvanlar:
BYD Absheron: Bakı-Sumqayıt şosesi 6-cı km
BYD Baku: 9VQF+PCR, Babək Prospekti, Bakı 1031
