"İnnovasiya və Rəqəmsal İnkişaf Agentliyi tərəfindən tələbələrin yalnız nəzəri biliklərlə kifayətlənməməsi, real layihələrdə iştirak etməsi və əmək bazarına hazır mütəxəssis kimi formalaşması əsas hədəflərdəndir".
Oxu.Az xəbər verir ki, bu fikirləri rəqəmsal inkişaf və nəqliyyat nazirinin müavini Rəşad Həsənov Bakıda keçirilən "IT SkillSprint" beynəlxalq təhsil proqramının bağlanış mərasimində deyib.
O bildirib ki, sənayenin ehtiyaclarına uyğun kadr hazırlığını təşviq edən "Hire and Train" modeli tətbiq olunur:
"Bu model çərçivəsində beynəlxalq texnologiya şirkətlərinin iştirakı ilə yerli mütəxəssislərin hazırlanması və onların konkret layihələrə cəlb edilməsi təmin edilir. Beləliklə, təhsil ilə əmək bazarı arasında əlaqənin daha da gücləndirilməsi hədəflənir.
Agentliyin müxtəlif təhsil layihələri çərçivəsində bu günədək 10 minə yaxın məzun hazırlanıb".
