Abbas Əraqçını impiçment gözləyir?

İran parlamentində ölkənin xarici işlər naziri Abbas Əraqçının vəzifədən kənarlaşdırılmasını nəzərdə tutan impiçment sorğusu qeydiyyata alınıb.

Oxu.Az-ın məlumatına görə, bu barədə "Tasnim" xəbər agentliyinə İran Məclisinin rəyasət heyətinin üzvü Məhəmməd Rəşidi xəbər verib.

Onun sözlərinə əsasən, sözügedən təşəbbüsün parlament üzvlərindən biri tərəfindən irəli sürüldüyü ehtimal edilir. Bununla belə, müvafiq sorğu gələcək müzakirələr üçün hələlik parlamentin rəyasət heyətinə təqdim olunmayıb.

Qeyd edək ki, A.Əraqçı BMT Baş Assambleyasının iclasında iştirak məqsədilə Nyu-Yorka etdiyi səfər çərçivəsində vasitəçilərin köməyi ilə ABŞ tərəfi ilə icazəsiz danışıqlar aparmaqda ittiham olunur.