ABŞ amerikalıların söz azadlığının məhdudlaşdırılmasında iştirak edən xarici rəsmilər və şəxslər üçün yeni viza siyasəti tətbiq edir.
Oxu.Az kommersant.ru-ya istinadən xəbər verir ki, bu barədə ABŞ dövlət katibi Marko Rubio "X" sosial şəbəkəsində yazıb.
"Bu gün mən amerikalılara senzura tətbiq etməklə məşğul olan xarici rəsmilərə və şəxslərə şamil ediləcək yeni viza məhdudiyyəti siyasətini elan edirəm. Söz azadlığı ABŞ-nin həyat tərzi üçün vacib əhəmiyyət daşıyır", - məlumatda bildirilir.
ABŞ dövlət katibi vurğulayıb ki, istər Latın Amerikasında, istər Avropada, istərsə də başqa yerlərdə amerikalıların hüquqlarını pozmağa çalışanlara qarşı hərəkətsizlik münasibəti günləri arxada qalıb.
