ABŞ-dən öz vətəndaşlarına TÖVSİYƏ: "Livanı tərk edin"

ABŞ Dövlət Departamenti İsrail və "Hizbullah" hərəkatı arasında münaqişə fonunda ABŞ vətəndaşlarına Livanı tərk etməyi tövsiyə edib.

Bu barədə Oxu.Az TASS-a istinadən xəbər verir.

"Hizbullah və İsrail arasındakı qarşıdurmanın gözlənilməz xarakterinə və Livanda, o cümlədən Beyrutda baş verən son partlayışlara görə, ABŞ səfirliyi ölkə vətəndaşlarını kommersiya uçuşları davam edərkən Livanı tərk etməyə çağırır", - ABŞ xarici siyasət idarəsinin bəyanatında deyilir.

Dövlət Departamenti xəbərdarlıq edib ki, təhlükəsizlik vəziyyəti pisləşərsə, kommersiya uçuşları ilə ölkəni tərk etmək imkanı olmaya bilər.

Sənəddə qeyd edilir ki, "ABŞ səfirliyi Livanda qalmağı seçən Amerika vətəndaşlarına dəstək verə bilməyəcək".