Ukraynaya ötürülən silahların həcmi tezliklə rekord həddə çata bilər.
Oxu.Az bildirir ki, bu barədə "CBS News" telekanalına müsahibəsində amerikalı senator Lindsi Qrem bildirib.
O, bu silahların Kiyevə özünü müdafiə etməyə kömək edəcəyinə əmin olduğunu vurğulayıb.
Qrem izah edib ki, ABŞ Prezidenti Donald Tramp dövlət başçısına fövqəladə hallarda Konqresin təsdiqi olmadan xarici tərəfdaşa silah tədarük etməyə imkan verən PDA (Presidential Drawdown Authority) mexanizmi çərçivəsində 3.85 milyard dollardan çox vəsaitdən istifadə edə biləcək.
Rusiyaya qarşı yeni sanksiyalar haqqında qanun layihəsinin müəlliflərindən biri olan senatorun sözlərinə görə, məhdudiyyətlər ilk növbədə Çin, Hindistan və Braziliyaya tətbiq oluna bilər.
